taab-e-naina-waayi

mere khuda mujhe woh taab-e-naina-waayi de
main chup rahun bhi to naghma mera sunaayi de

gadaa-e-koo-e-sukhan aur tujhse kya maange
yahi ke mumlakat-e-shair ki khudaayi de

nigaah-e-deher mein ehl-e-kamaal hum bhi hon
jo likh rahe hain woh duniya agar dikhaayi de

chhalak na jaaun kahin main wujood se apne
hunar diya hai to phir zarf-e-kibriyaai de

mujhe kamaal-e-sukhan se nawaazne wale
samaaaton ko bhi ab zoq-e-aashnaayi de

numu pizir hai yeh shola-e-nawa to ise
har aane waale zamaane ki peshwaayi de

koi kare to kahan tak kare masihaayi
ke aik zakhm bhare doosra duhaai de

main aik se kisi mausam mein reh nahin sakta
kabhi wisaal kabhi hijr se rihaayi de

jo aik khwab ka nasha ho kum to aankhon ko
hazaar khwab de aur jurrat-e-rasaai de

Shayar

Hum kya maikhane seh nadarat hogayee
Hum kya maikhane seh nadarat hogayee...
Pani peene wale bhi shayar hogayee shayar hogayee.....

Khat ..

Khat jab bhi likhkar, tujhe yaad karleta hoon
Badi hasrat ke likhe, sare alfaaz mita deta hoon
Tapish lafzon se dil ki, kaghaz khakh na hojaye
Khat likhkar humesha ashkon se bhigadeta hoon

Tere yaadon ki jab bhi, shama jo jalaleta hoon
pehli nazar woh teri, ankhon mein sajaleta hoon
woh husn-e-ada ko teri, khud ki nazar na lagjaye
Har daat tere jalwon ki, hoton pe rukaleta hoon