Dua-e-Dil

Zindagi ko ek baar, woh sohbat miljaye
Khuda har ek ko apni, Mohobbat miljaye

Zindagi ki saari museebat miljaye
Har mod pe khadi ghurbat miljaye
Gharz yeh ke aakhri Qayamat miljaye
par har ek ko apni, Mohobbat miljaye

Sissakti woh garam saanse miljaye
Mehekti woh naram Baahein miljaye
Guzarti woh unki raahein miljaye
Har ek ko apni, Mohobbat miljaye

Bechain Dil ko yun raahat miljaye
Khushiyon ko Dil ki Virasat miljaye
Jo Nazron se unki Inayat miljaye
Khuda har ek ko apni, Mohobbat miljaye

Ishq-e-Shama mein yeh Mohlat miljaye
Shama ko Shabnam si haalat miljaye
Parwane ko jal uthne ki Saaqat miljaye
Ab khuda har ek ko, apni Mohobbat miljaye

Tareeq-e-Mohabbat ko ab izzat miljaye
Dil lagane ki sab ko ijaazat miljaye
Ishq kare Sheereen aur Farhad miljaye
BaKhuda har ek ko apni mohobbat miljaye

Har ek Dil ko ab yeh Fitrat miljaye
Insaan ko Insaan se ab izzat miljaye
Is tarah ki duniya ko jo Ibadat miljaye
To Khuda har ek ko apni, mohobbat miljaye

Zindagi mein ek baar, woh sohbat miljaye
Khuda har ek ko apni, Mohobbat miljaye