Ghum

Puchte ho to suno kaise basar hoti hai
raat Khairaat ki sadqe ki sahar hoti hai

saans bharne ko to jeena nahin kehte ya rab
dil hi dukhtaa hai na ab aastiin tar hotii hai

jaise jagi huwi aankhon mein chubhe kaanch ke Khwaab
raat is tarah deewanon ki basar hoti hai

Gham hi dushman hai mera Gham hi ko dil Dhundhta hai
ek lamhe ki judaai bhi agar hoti hai

ek markaz ki talaash ek bhatakati Khushbu
kabhi manzil kabhi tamheed-e-safar hoti hai