Muddat ke Baad

Dil ko Awaaz mili, Ek Muddat ke baad
Kali-e-bahaar khili, Ek Muddat ke baad
Armaan yeh aaye, Ek Muddat ke baad
Aur Hum Muskuraye, Ek Muddat ke baad

Raushan, Chamakta woh chehre ka Noor,
Jannat ki Hoor hai, woh shayad Huzoor,
Yakeenan woh aayi, Ek Muddat ke baad
Zameen jag-magayi, Ek Muddat ke baad

Saamna ek baar ho, khwab yeh Bedaar ho
Nazron se waar ho, aur mudna dushwar ho
Dilon mein ikrar ho, Ek Muddat ke baad
Ab Ankhon se pyar ho, Ek Muddat ke baad

Ishq ho ghalib, aur Deewana-waar ho
Majboor ho husn, kuch aisa Miyar ho
Ab shikast-e-yaar ho, Ek Muddat ke baad
Teer yeh aar-paar ho, Ek Muddat ke baad

Hume unse pyaar ho, Ek Muddat ke baad
Phir Maut hazaar ho, Ek Muddat ke baad